Assalamualaikum brothers,

Disini aku kan curhat pasal uni life lah ahh skajap. andangnya banyak alasan ni kan dbuat nda mau belajar utk exam ah. iatah krg di exam hall nyasal ni. hahaha

soo. cmani critanya. dulu masa PCE nya urg PMB lagi payah. okayy. den udah PMB nya urg elahh alum g merasai Olevel. okayy. udah Olevel, wang Alevel wang. laaaagi payahh. walaupn 3 subject ganya. payah tu jengg. bah layann. den udah Alevel ada tiaa urg bepadah eh degree sanang saja wah. pasalnya lapas kau belajar, den exam kau lupakan saja yg lama2 atu. wah dalam hatiku. siuk tu eh. sanang degree ani rpanya.

awu. atu masa atu. antah sapakah bepadah cmatu atu. aku pn terpedaya. mun ku mendaup2 mua anak atu wah sampai biut puas atiku. kana tipu ku bah. sampai ku gtau urg lain degree ani sanang jua. wawawa andang setaie taie palat anak malik gerhana. diri alum jua mmbuat degree setau sanang. soo sini aku kan gtau lah wahai adik2 sekalian. esehmen. adik semua single ke? wawawa. nada deh. abang kan gtau adik2 sekalian, banarnya degree ani payah.

jangan kamu terpedaya dengan urg yg cakap degree ani sanang. mun ada terajang muanya. tampar2 belipat ya. sadang jua kan membawa ajaran sasat ani ja. hahah. so mun ada opportunity kan ambil degree atu baiktah jgn diambil. bekabun saja kamu drumah. tantu, kanyang parut, jual di pasar dapat usin. kawin kamu, bagi makan anak bini. wawawa. nada deh. discouraging pulang abang ijat ani. mun sanggup ambil lah talur. napa luan talur bedadar ani kian. inda jua payah kan dgtau. hahah.

so dbawah ani kamu liatlah ah transitionku dari sebelum degree lapas ambil degree. drastic lah perubahannya.

soo. dulu aku cmani dalam library.

Kamu liat tu kan ulah sorg2 talur2an ah di library capi2 tah pulang. rilek bah dulu atu. anu masa exam kami skulah masih, ke library, bukan utk belajar, utk becerita, ketawa2, meliat bini2, tulah kan. abis saja bah minyak krita membuat dosa. hahaha. pastu main volleyball apa. eh gila jaman dulu atu. prasan pandai bah. hahah. tapi masani aku cmani sudah:

Aishh. mun mamaku meliat bah. sajuk parutnya meliat ni. kamu meliat sudah sajuk parut kamu. nda ja? kamu liat tu aku mmbuat report mcm cbanar ah. mun dulu di MS bah nada ada cmani ni. beibun ganya taunya. ani masani paksa eh mmbuat cmani sampai menyubuh. google translator atu ah iatah besprenku tu. mun nada bah, ntah kana ketawakan lecturer kalieh report ku yg nda btantu englishnya ah. grade U kali tarus. hahahha. susah nyamu geng. nada lagi bah masa kan bebun2 apa atu. talur2an uni life ani. hahaha

so bawah ani transition yg ke dua. dulu usulku cmani:

Hensem kan? hensem? nda? eh in denial jua kamu ani eh. mun aku bini2 wah tepikat ku ni meliat. mcm anu pelakun korea kan? awu ja? nda? eh awuuuu. eh awu tu eh awu tu awu. kamu liat tu STAR OF THE NIGHT lagi. nda plang ku suka kan nunjuk2 ani lah ahh. tapi ani sebagai contoh saja. ani masani nda salahku ada jua lah dalam 30 urg bini2 ku reject. oh cmon girl. get a life. eyah mcm staie. nada deh. kidding2 only. hahah. ni nah lagi nah usulku yg dulu:

Tu kan. segak bah usulku bersama teman2 atu. aku sndiri pn tepikat bah. bukan plang kan perasahan lah ah. kamu diam saja bah. hahaha. fyi kalau kamu kan tau kami ani dulu banarnya ada band plang ni. di atas atu gambar kami concert touring di brunei. nama band kami the malik gerhanas. nama album kami yg femes lepas dari lokap. so silalah beli yg original. okay jat nda cali. wawawa

So masani aku cmani sudah pasal uni life. perubahan sunggub drastic dan un-handsome.

Tohh tohh. eh mati eh. lahip bah sudah usulku ah. kalah usul si gman. kalah usul anu paci bejual ikan di pasar malam. mcm binatang buas. mcm perogol. smooth criminal bah ni. kumis tabal, rambut nda betantu, kulit karing. ani mun mamaku meliat tarus panas ni parutnya. nada ya ngakun aku anaknya kali tarus eh. hahaha. mun bini2 kan mengurat pn tarus kingsil ni. turn off tarus durg meliat. hahaha. tapi inda apa. masani insyaAllah aku in transition utk balik mcm dulu sudah. so jangantah kamu malu kan bekawan sama aku ah brothers? hahah

mun ku tau degree ani payah wah, engineering tah lagi. jadi farmer saja ku dulu. malas ku belajar. masuk askar kah pulis kah saja. adventurous jua sikit menguyung si malik gerhana. ani nada bah. nda adventurous. torturous ada. lurus kah nda spellingnya tu. payah nada grammar check sini ani mcm microsoft word. wawaw. tiap hari meliat computer. mun meliat bini2 lawa baik. ani meliat anu essay, maths, programming. mmbari sakit mata ada. mmbari sakit ati pun ada. hahah

kamu liatkan how uni life can affect u? mun kamu dulu lawa mcm katy perry kah sapakah. sedia2 saja udah masuk uni atu. bida tah kamu tu mcm kerabau jadinya. pigang cakapku. hahah

bah okaylah. aku end with salam lah jua ah. panjang sudah. nda jua cali sijat ani mempost. biar tia bah. kamu tah saja yg cali. sedakah ketawa saja wah. aku kan share2 pengalaman saja bah ni. ukhwah wah brader. ukhwah. jangantah kamu google translate. ukhwah ani brotherhood. hahah

bah next post aku kan share2 lagi pasal life in uk ani lah ah. so if kamu ada apa2 soalan dont worry, inda ku kan menjawab. banyak tanya jua kamu ani eh. pakai saja google bah sana banyak jawapan tu. wawawa

Assalamualaikum.

i211